صہیونی ریاست کی نئی سازش

ابنا: اسلامی مزاحمت کی تحریک "حماس " کے ترجمان فوزی برہوم نے اس بات کا انکشاف کرتےہوئے کہا کہ حالیہ دنوں فلسطین کی قانون ساز اسمبلی کے کئی اراکین اور بعض دیگر فلسطینی رہنماؤں کی گرفتاری اسی سازش کے تحت ہورہی ہے۔فوزی برہوم نے کہا کہ صہیونی ریاست کے ان مذموم اقدامات سے اپنی قوم ، سرزمین اور مقدسات کے دفاع کےلئے فلسطینی تنظیموں کے حوصلے پست نہیں ہونگے۔ انہوں نے واضح کیا کہ غرب اردن کے کنارے میں فلسطین کی قانون ساز اسمبلی کے اراکین اور حماس کے رہنماؤں کی گرفتاری صہیونی ریاست کی جانب سے سوچی سمجھی سازش ہے تاکہ اس طرح فلسطینی گروہوں کے درمیان مفاہمت پیدا کرنے کےلئے جاری کوششوں کو متاثر کیا جا سکے ۔صہیونی فوجیوں نے اتوار اور پیر کو غرب اردن کے کنارے میں حماس اور فلسطین کی قانون ساز اسمبلی کے کم از کم 20 اراکین کو حراست میں لے لیا۔......./169